El problema de la despoblación pasa pola axenda feminista, defenden les muyeres rurales

Xornada entamada por Fademur nel Niemeyer por mor del Día Internacional de les Muyeres Rurales

La presidenta de la Federación d’Asociaciones de Muyeres Rurales, Teresa López, defendió esti martes que’l problema de la despoblación del mediu rural "pasa por tener en cuenta les necesidaes de les muyeres y pola aplicación de l’axenda feminista".

"Siguimos teniendo problemes p’acceder a la independencia económica porque entá ye difícil emprender, algamar financiación, acceder a la titularidá compartida, a la tecnoloxía y a l’anovación”, alvirtió.

Teresa López fizo esta reflexón al entamu d’una xornada entada por Fademur nel Centru Niemeyer d’Avilés por mor del Día Internacional de les Muyeres Rurales, que cunta cola participación de cerca d’un millar de persones vinientes de dellos puntos del país.

La presidenta de FADEMUR faló amás de la necesidá de que los servicios lleguen al mundu rural "porque tamos nel sieglu XXI y tenemos que tener esa garantía".