La Casa de Cuervo, en Malleza, tuvo un gran protagonismu na guerra de la Independencia

Ye una clásica casa solariega de planta rectangular con cubierta a cuatro agües

Na segunda metá del sieglu XVIII construyóse, en Malleza, en Salas, la Casa de Cuervo. El so propietariu yera José Cuervo-Arango, nacíu en Lluerces, conceyu de Pravia, en 1768.

Ye una clásica casa solariega de planta rectangular, con cubierta a cuatro agües y dos pisos separtaos por impostes, esplica Paulino Lorences, vecín de Salas.

La fachada principal tien un balcón central sobre voladizu de planta rectangular, col escudu de Cuervo.

Na guerra de la Independencia, foi la residencia del Mariscal Ney, d’aquella xeneral de les tropes franceses.

En 1958, Matilde de Cuervo-Arango morrió, donando la so fortuna a la diócesis d’Uviéu, que la vendió tiempu dempués.

Foi entós cuando s’instaló una fábrica d’embutíu no que yeren los payares y les cuadres, y que sigue funcionando anguaño.