La líder d'una trama de bodes de conveniencia con nixerianos acepta seis meses de cárcel

Otros cuatro acusaos tán en paraderu desconocíu, dos d'ellos con órdenes de búsqueda

La cabezalera d’una trama criminal qu’organizaba matrimonios de conveniencia ente españoles y nixerianos foi condenada esti martes a una pena de seis meses de prisión polos delitos de grupu criminal, matrimoniu illegal y falsedá documental, dempués d’algamar un alcuerdu cola Fiscalía.

Como pa les cinco persones del mesmu grupu criminal qu’ayeri asumieron la so condena, el fiscal apreció la circunstancia modificativa de la responsabilidá penal de “dilaciones indebíes”, lo que rebaxó la pena de l’acusada.

Apreciando esi atenuante y dempués del alcuerdu cola Fiscalía, l’acusada sedrá condenada a un mes y quince díes de prisión, pena sustituyida por una multa de seis euros en tres meses, pol delitu de grupu criminal, y a tres meses de prisión con inhabilitación pol derechu de sufraxu pol delitu de matrimoniu illegal.