Peláez reclama que la zona rural reciba fondos europeos p'abordar el despoblamientu

Asturies ye una de les rexones que menos PIB perderá pol cambéu climáticu hasta 2050

El conseyeru de Facienda del Principáu d’Asturies, Guillermo Pelaez, reclamó esta mañana en Bruxeles que la zona rural asturiana reciba fondos europeos p’abordar el despoblamientu. Díxolo Guillermo Peláez na Selmana Europea de les Rexones.

Asturies ye una de les rexones europees que menos PIB perderá pol cambéu climáticu d’equí a 2050. Sedrá menos de mediu puntu, una cayida leve comparada, si nos centramos n’España, coles más de rexones que puen dexar nel camín hasta dos puntos y mediu de medría, de Productu Interior Brutu.

Esto ye por mor de que la comunidá ta menos espuesta a los efectos más nocivos del calentamientu global. Un 10% de la población ta espuesta, frente al más del 75% de la población de la mayor parte d’España. Too esto nun escenariu de dos graos más de temperatura.

Son datos del últimu informe sobre l’Estáu de les Rexones Europees qu’acaba de presentase en Bruxeles.