Asturies pide mayor flexibilidá nos creitos na segunda fase de los fondos europeos

Alcuentru ente Guillermo Peláez y Nadia Calviño nel Comité Européu de les Rexones

El Gobiernu d’Asturies solicitó al Bancu Européu d’Inversiones (BEI) que l’adenda que se ta faciendo pa dar continuidá a los fondos europeos Next Generation flexibilice los importes a los que puen acceder tanto’l sector priváu como’l públicu.

Asina lo treslladó esti miércoles el conseyeru de Facienda y Fondos Europeos, Guillermo Peláez, a la presidenta del BEI, Nadia Calviño, nun debate sobre esta cuestión inxertu na segunda sesión del plenu del Comité Européu de les Rexones.

La prórroga de los fondos Next Generation afítase nuna serie de préstamos, bona parte d’ellos amparaos pol BEI y, nesti sen, el conseyeru valoró que los tipos d’interés son mui baxos y los plazos d’amortización mui llargos.