El Parque de la Vida acueye una de les colecciones de fósiles más completes del mundu

Ufierta la posibilidá de conocer cómo yeren plantes y animales de va más de 300 años

Nel Parque de la Vida de Valdés ta una de les colecciones de fósiles más completes del mundu. Esti centru de concienciación mediuambiental ufierta la posibilidá de conocer cómo yeren plantes y animales de va más de 300 años gracies a 50 tonelaes de piedres que contienen información fundamental.

Ye ún de los aspectos que más llama l’atención nesti centru de divulgación mediuambiental pel que pasen añalmente miles d’escolinos de toa Asturies, destaca Luís Laria, director del Parque de la Vida.

L’oxetivu del Parque de la Vida ye dir a más. Nunos díes entamará la recreación d’una mina pa que la historia de los fósiles pueda conocese muncho meyor y qu’esta colección seya referente mundial

Un total de 1.000 metros cuadraos de recreación con verdaderos lluxos científicos de plantes de va más de 300 años, pero tamién d’animales.

Unos elementos que se xunen a otros materiales que podemos ver nesti centru valdesanu, como l’espaciu o’l mundu marín.