Formación en primeros auxilios na Feria de Simulación nel Hospital de Cabueñes

La organización prevé repitir futures ediciones y ampliar la ufierta pa tola población

L'Hospital Universitariu de Cabueñes foi l'escenariu esta mañana de la primer Feria de Simulación, centrada na formación en primeros auxilios como una ferramienta fundamental pa tolos profesionales sanitarios.

Los participantes pudieron percorrer los 10 talleres formativos distribuyíos en delles árees del hospital, y ampliar les sos conocencies teóriques y práctiques sobro cómo armar un botiquín y facer una reanimación cardiovascular n'adultos y menores, daqué que los médicos consideren fundamental.

Amás, aprendieron cómo actuar énte un atragantamientu, esperimentaron lo que siente una persona d'avanzada edá con amenorgamientu de visión, movilidá o con párkinson y asemeyaron un viaxe na parte trasera d'una ambulancia.

Los médicos destaquen la importancia de que la ciudadanía garre les conocencies básiques y esperen poder ufiertar estes sesiones informatives a la población en futures ediciones.

La organización tien la intención de repitir futures ediciones y ampliar la ufierta pa tola población.