L'Asociación Gaudiosa imparte n'Uviéu un cursu d'Estensión Universitaria sobro Esgrima Histórica

Una disciplina practicada por pernomaos personaxes, como Leopoldo Alas Clarín

Gaudiosa ye'l nome de la primer reina asturiana anque'l so orixe, sicasí, nun ta verificáu. Y ye un términu qu'apaez nes gloses de San Millán de la Cogolla, trubiecu del castellán. Tamién el nome d'una asociación que promueve l'estudiu y l'espardimientu de la esgrima histórica.

L'Asociación Gaudiosa imparte per segundu añu consecutivu na Universidá d'Uviéu un cursu de 25 hores d'Estensión Universitaria sobro Esgrima Histórica, qu'afonda nel contestu históricu de la esgrima y nes sos técniques.

Formación con un toque multidisciplinar nel que participen músicos, historiadores o arqueólogos, y con un enfoque de xéneru hacia la disciplina.

El trabayu físicu y la coordinación asemeyen la esgrima histórica a un baille con espaes que namoró a tou tipu d'intelectuales a lo llargo de la hestoria. Leopoldo Alas Clarín practicó esti arte. Y a él tuvieron dedicaos los primeros premios que l'asociación Gaudiosa entamó anguaño.