Fuelga d'estudiantes énte la incertidume pol nuevu formatu de la PAU

Alvierten d'un nuevu paru en siete díes, de nun asoleyar los esámenes

Movilizaciones d'estudiantes en toa España pa reclamar el nuevu modelu de la PAU, la prueba d'accesu a la Universidá de 2025. Equí n'Asturies, les aules de 3º de Secundaria d'equí p'alantre tuvieron prácticamente vacíes en munchos institutos. De nun espublizar yá los esámenes, amenacen con convocar otra fuelga en siete díes.

Los estudiantes cambiaron les aules poles pancartes pa esixir a la Universidá y la Conseyería d'Educación que-yos faiga llegar yá los modelos de la nueva prueba d'accesu a la Universidá.

A la concentración n'Uviéu solo foi una pequeña representación de los cientos d'alumnos que quedaron en casa. Pela so parte, l'institutu Piles de Xixón, amanecía ensin malapenes xente. De 450 estudiantes llamaos a la fuelga, la inmensa mayoría nun foi a clase.

Como n'Asturies, numberosos estudiantes de 3º de Secundaria p'alantre de toa España secundaron el paru convocáu pol sindicatu d'estudiantes. Los más esmolecíos, los primeros que van tener que faer el nuevu esame, 2º de Bachilleratu.

Si'l llunes nun ta asoleyáu l'esame, volverán parar el próximu vienres.