La Unión Española Fotovoltaica alvierte de que la regulación asturiana fai invidables los parques de bateríes

Los equipamientos yá xeneren actividá económica n'Asturies

La Unión Española Fotovoltaica espera que la regulación asturiana de los parques de bateríes nun llende la so instalación solo a zones industriales. Esta patronal d'anovable tamién ta pendienre d'axuntase cola Conseyería d'Ordenación del Territoriu pa esplicar los detalles d'esti tipu d'equipamientos, que yá tán xenerando actividá económica n'Asturies.

Nuna planta d'Avilés fabríquense, ente otros productos, bateríes d'almacenamientu d'enerxía dende 2017 y espliquen que son indispensables pa la estabilización de la rede eléctrica nun mix enerxéticu onde cada vez hai más anovable.

Detrás del sistema informáticu que controla les bateríes ta la Universidá d'Uviéu. Enfasys ye una empresa surdida de les investigaciones académiques, que güei trabaya non solo n'España, sinón en proyectos de bateríes en Portugal y Reinu Xuníu.

Dende la Unión Española Fotovoltaica alvierten de qu’una regulación tan restrictiva como l'anunciada pol Principáu fai invidables estes instalaciones.

Yá hai proyectos con permisu d'obra, asina que los parques de bateríes n'Asturies podríen ser una realidá al curtiu plazu.