Piñeres ye reconocida pol ritu ancestral del Toréu del Santu

La Cortina, el so nucleu principal, ye testigu del despoblamientu rural

Los qu'alleguen a Piñeres l'últimu domingu d'agostu van ver a un home moviendo una bandera con cuatro cuadros, encabezando una procesión ente la ilesia y la capiya que crucia'l ríu Ayer. Ye'l ritu ancestral d'esta parroquia, el Toréu del Santu.

Una fiesta patronal que realcuentra a mamplén de vecinos. Averándose a una imaxe pasada a la que miren con señardá. En 1965, los 38 pueblos de Piñeres llegaron a tener 2.300 habitantes.

La Cortina yera'l nucleu, con múltiples comercios, cine y de los primeros circuitos de karts d'Asturies. D'aquello, poco queda. Nun siendo ayenos a la fin de l'actividá minera, los cambeos nos vezos de consumu y l'éxodu rural.

Pese a ello, entá hai neños qu'alleguen les fines de selmana p'animar les caleyes. Pa ellos, la vida nel pueblu de Piñeres, la meyor.