'Avilés en Marcha' reclama que'l conceyu intervenga nos edificios en ruines del centru

Dende'l consistoriu recuerden que yá ta en marcha'l segundu programa d'edificación forzosa que prevé actuar en 13 recintos del cascu históricu

Na Plaza d'España, en plenu cascu históricu, ta unu de los recintos que peor imaxe ufierten a la ciudá. Lo mesmo socede col palacete, na carretera a Buenavista, o'l del reconocíu arquitectu Manuel del Busto. 'Avilés en Marcha', partíu ensin representación municipal, pide al gobiernu local entainar y la intervención de Ruasa, la sociedá del conceyu pa la rehabilitación urbana.En casu contrariu, alvierten, van dir al Defensor del Pueblu aseguren Constantino Álvarez, miembru de 'Avilés en marcha' y Francisco Zarracina, voceru de 'Avilés en marcha'.

El conceyu yá punxo en marcha’l II Programa d'Edificación Forzosa pa 13 recintos del Cascu Históricu, allugaos nes cais de La Estación, Galiana y Rivero, y nes places d'España y El Carbayedo. D'estos, 6 yá taben nel primer programa. El conceyu afirma que va haber inversiones importantes nos próximos meses pa edificación apunta Manuel Campa, conceyal de Planiamientu y Xestión Urbanística del Ayuntamientu d’Avilés.

El primer programa d'edificación forzosa dexó la construcción o rehabilitación de 24 de los 34 inmuebles incluyíos. Los que quedaron pendientes pasaron al segundu programa.