El Principáu, énte la quema en Coxersa: seguros obligatorios a valir y daños cubiertos

Queipo esixe "esplicaciones" y "depurar responsabilidaes" pola quema en Coxersa

El conseyeru de Facienda, Guillermo Peláez, aseguró esti sábadu que Coxersa tien a valir los seguros que son obligatorios pa toles instalaciones, y afitó que nel casu de la plantona, onde se dio una quema'l pasáu mes d'abril, "nun podía" tener seguru por cuenta de que la obra nun fuera recepcionada, anque los daños tán "cubiertos" pol de responsabilidá civil.

Sobro los seguros non obligatorios, afitó que tolos de responsabilidá civil pa les plantes del Consorciu pa la xestión de los residuos sólidos d'Asturies tán "agora en tramitación", y van quedar resueltos a la "mayor brevedá".

Asina lo manifestó na so asistencia a los actos que se celebren por cuenta de la festividá de la Virxe del Pilar, patrona de la Guardia Civil.