Trescientos aspirantes nes oposiciones pendientes de la Guardia Civil

La prueba suspendióse fai 15 díes por un error na cadena de custodia de los esámenes

Unos 300 aspirantes a una plaza de cabu o axente de la Guardia Civil presentáronse güei en Xixón a la prueba aplazada va quince díes por un error na custodia de los esámenes.

Les asociaciones de Guardies Civiles pidieron que les pruebes d'accesu al Cuerpu se ficiera nun únicu día pa tol país.

Anguaño más de 26.000 persones taben convocaes la última fin de selmana de setiembre pa cubrir una de les 2.700 places ufiertaes. N'Asturies inscribiérense 646 aspirantes, la metá viéronse afectaos pola citada cancelación.