Estudiantes del Ciclu Cimeru d'Enseñanza y Animación Sociodeportiva de La Llaboral concentráronse esta mañana frente a la Conseyería d'Educación.
Piden a Educación y al Conceyu de Xixón que se pongan d'alcuerdu y que-yos dean yá l'accesu a les instalaciones deportives necesaries pa la parte práctica de la so formación.
Nuria Grueso, vocera de los estudiantes afectaos, recuerda que'l cursu empezó fai yá un mes y que l'añu pasáu los espacios diéronse la primer selmana de clases.
Los estudiantes súmense a les critiques del profesoráu. Denuncien que les instalaciones de La Llaboral nun tienen les condiciones afayadices pa les clases.
Nun refuguen siguir col calendariu de movilizaciones si les dos alministraciones nun-yos planteguen bien llueu una solución.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL