CCOO reclama qu'haya xulgaos especializaos en seguridá llaboral p'axilizar les investigaciones

Los axentes sociales aconceyarán mañana col Institutu Asturianu de Prevención de Riesgos Llaborales

Comisiones Obreres esixe que se refuerce la vixilancia sobre les empreses que nun cumplen cola llei de prevención de riesgos llaborales.

El sindicatu, qu’aconceyó güei al so Comité de Coordinación, pide avanzar na especialización de la xusticia en materia de seguridá y salú llaboral. Pide amás que’l Principáu puea personase como acusación particular nos casos de neglixencies graves que tuvieren como consecuencia accidentes mui graves o mortales.

Los axentes sociales aconceyarán mañana col Institutu Asturianu de Prevención de Riesgos Llaborales pa facer un plan de choque escontra la siniestralidá llaboral dempués de que, en namás 40 díes, morrieren cinco trabayadores n’Asturies. L’últimu, el día 8 pasáu en Xixón.