La Oficina de la Enerxía de Xixón entamará a operar en xineru de 2025

L'oxetivu de la oficina pasa por promover la reducción de la probeza enerxética

La vicealcaldesa y conceyala d’Economía, Trabayu, Turismu y Innovación de Xixón, Ángela Pumariega, esplicó esti martes que la Oficina Municipal de la Enerxía sedrá una realidá "enantes de qu’acabe esti añu" y entamará col so serviciu d’atención presencial y personalizada en toos distritos, urbanos y rurales, en xineru de 2025.

Pumariega presentó güei esta iniciativa que s’inxerta na Estratexa Municipal d’Innovación.

La vicealcaldesa señaló que, de fechu, yá ta activu’l corréu: oficinadelaenergia@gijon.es; mientres que en payares tará disponible tola información na web municipal, dientro del apartáu del área d’innovación.