Llanes pon cotu a los pisos turísticos

La oposición votó a la escontra d'una midida que considera illegal

Colos ocho votos a favor del Gobiernu bipartitu y seis a la escontra del grupu municipal socialista l’Ayuntamientu de Llanes aprobó esta mañana nun plenu estraordinariu una moratoria d’un añu na concesión de llicencies pa nueves viviendes vacacionales y d’usu turísticu nos núcleos urbanos d’un conceyu que suma más d’un millar d’estos inmuebles apunten Juan Carlos Armas, conceyal d’Urbanismu de Llanes, y Enrique Riestra, acalde de Llanes.

Pa los socialistes, que vieron refugada una enmienda dirixida a promover nueva vivienda pública en réximen d’alquiler, la moratoria aprobada vulnera les normes urbanístiques provisionales vixentes y nun descarten dir a los tribunales señala Óscar Torre, portavoz del PSOE en Llanes.

Al entamu del plenu José Ramón Amor tomó posesión como nuevu conceyal del grupu popular en sustitución del fináu recientemente Tomás Antuña. La so figura recibió los eloxos de tolos portavoces municipales.