El 25% de la población asturiana ta en situación de probitú y esclusión social

Les entidaes d'acción social piden una estratexa dafechu n'Asturies

Una de cada cuatro persones n'Asturies tán en riesgu de probeza o esclusión social en 2023, según l'informe Arope. Anque la situación ye llixeramente meyor qu'en 2022, ye un 12% meyor qu'en 2015 y nun se superaron los estragos de la gran crisis de 2008. Por eso, les organizaciones que trabayen nesti sector piden una estratexa dafechu n'Asturies.

El 35% de la población menor de 18 años ta en riesgu de probeza y esclusión, pero nun ye la única fienda.

Los autores del informe sollerten de la medría de la probeza estrema, families que viven con menos de 611 euros al mes, y de les persones que, teniendo unos ingresos percima de la llende de la probeza, nun puen faer frente a un imprevistu.

Les entidaes d'acción social dixeron na Xunta, onde presentaron l'informe n'Asturies, que les tresferencia del Estáu y les pensiones son fundamentales, pero a la lluz de les resultancies, insuficientes en cuantía y estensión.