Los retos y les oportunidaes d'Asturies p'asitiase como referente nel ámbitu de l'anovación

La internacionalización de los mercaos y la crecedera del tamañu de les empreses, exa de Citech

Los retos y les oportunidaes d'Asturies p’asitiase como referente nel ámbitu de l’anovación. Ese foi la exa sobro la que xiró'l séptimu congresu de Citech.

La internacionalización y diversificación de los mercaos y la crecedera del tamañu de les empreses son dos elementos indispensables p'algamar esi oxetivu, apunten los 120 profesionales participantes.

En 2023 Asturies batió'l so récord d'esportaciones con 6.287 millones d'euros. Un 1,8% más qu'en 2022. Anguaño van superase les 650 empreses esportadores. Siguir con esta dinámica ascendente pasa por diversificar mercaos.

La cada vez menor dependencia de la industria asturiana del sector públicu traducióse nuna crecedera constante de pymes y micropymes. Munches de base tecnolóxica. El problema ta nel tamañu d'eses empreses. Faen falta empreses más grandes y con mayor capacidá de collaboración.

Preseos públicos como'l Fondu de Transición Xusta o l'Axencia Sekuens son elementos claves p'algamar esti oxetivu.