La ministra d'Igualdá llamenta la perda d'educación pa la ciudadanía

Redondo: La coeducación nun ye una alternativa metodolóxica, sinón un valor constitucional

La ministra d'Igualdá, Ana Redondo, aseguró esti vienres que la coeducación "nun ye una alternativa metodolóxica nin una forma d'educación más", sinón que se trata de la educación "en valores constitucionales".

Redondo fixo esta afirmación nel ‘Alcuentru Internacional de Coeducación: Igualdá na coeducación, igualdá na vida', que se celebró nel Centru Niemeyer d'Avilés cola presencia de la titular d'Educación, Pilar Alegría, y del presidente del Principáu, Adrián Barbón.

La ministra valoró la celebración d'esti tipu d'alcuentros porque sirven pa poner les bases pa evitar que se produzan fechos como’l socedíu en Segovia, onde una muyer de 33 años foi asesinada presuntamente pola so expareya, la víctima mortal númberu 38 por violencia de xéneru no que va de 2024.