Óscar López carga escontra'l Partido Popular y escontra dellos xueces en Mieres

"Si Feijóo quier ser creíble escontra la corrupción, tien d'esixir la dimisión d'Ayuso"

El ministru de Tresformamientu Dixital y Función Pública, Óscar López, aseguró que si'l líder del PP, Alberto Núñez Feijóo, quier "ser creíble na llucha escontra la corrupción" tien d'esixir “darréu" la dimisión de la presidenta de la Comunidá de Madrid, Isabel Díaz Ayuso, y "la so redolada" por convertir la capital "nel epicentru de la corrupción y la folla".

López fizo estes declaraciones a los medios, xunto al presidente del Principáu d'Asturies, Adrián Barbón, enantes de participar esti sábadu nun actu políticu entamáu na villa asturiana de Mieres.

"La corrupción tien nomes y apellíos nesti país. El nome ye Isabel y los apellíos son Díaz Ayuso", declaró'l ministru, quien apuntó que Feijóo llegó a la presidencia del partíu pa "tapar la corrupción" de la presidenta de la comunidá madrilana.