Asturies destina un millón a la meyora d'infraestructures nes reserves de la biosfera

Los trabayos van centrase na restauración ambiental y implantación de modelos silvopastoriles

La Conseyería de Fomentu, Cooperación Local y Prevención de Quemes va invertir cerca d'un millón n'actuaciones de meyora de l'accesibilidá, seguridá y caltenimientu de les infraestructures d'usu públicu de les reserves de la biosfera, integraes na Rede Natural d'Asturies (RENA).

Les obres, financiaes con fondos Next Generation del Plan de Recuperación, Tresformamientu y Resiliencia de la Xunión Europea, van empezar nos próximos díes.

El conseyeru d'esti departamentu, Alejandro Calvo, anunció esti domingu les actuaciones na visita que fizo al puntu d'información de Campumanes, nel Parque Natural y Reserva de la Biosfera de Las Ubiñas-La Mesa.

Calvo esplicó que l'oxetivu de los proyectos ye favorecer el desenvolvimientu sostenible y poner en valir el patrimoniu natural y cultural de los espacios protexíos, al empar que s'ameyora la esperiencia y esfrute de quien visita estos enclaves.