Detectáu un biltu de gastroenteritis en Pravia

L'Ayuntamientu de Pravia intensifica los controles del agua

Investíguense les causes d’un posible biltu de gastroenteritis en Pravia. El gotéu de casos diérase los díes enantes, pero l’alarma saltó na guardia del xueves pela nueche cuando se detectaron ocho casos, en persones d’edaes y domicilios diferentes.

L’alcalde de Pravia, David Álvarez, señala que na mañana del sábadu, la xerencia del área sanitaria comunicó-yos qu’había un biltu de gastroenteritis en Pravia.

Pidía-yos controlar los niveles de cloración del depósitu d’agua. Una vixilancia, recalca Álvarez, que se fai caldía, tanto nel depósitu de la villa, como nel de los pueblos del conceyu; y que, diz, intensificaron

Los casos rexistráronse tamién en conceyos que llenden con Pravia.

Les autoridaes consultaes nun descarten que l’orixe seya víricu, nun momentu de gran circulación d’adenovirus, causantes d’infecciones gastrointestinales.