Simulacru d'accidente de tráficu con patinete eléctricu n'Uviéu

Dende 2025, los nuevos patinetes eléctricos tendrán que llevar la so documentación

Uviéu acoyó esta mañana un simulacru d’accidente nel que s’amosó’l papel de los servicios d’emerxencia nel rescate de les víctimes n’accidentes de tráficu con patinetes eléctricos.

Un turismu arrolla un patinete eléctricu y choca dempués contra otru vehículu. Simulacru d’ún de los accidentes más avezaos anguaño. Dende 2025, los nuevos patinetes eléctricos tendrán que llevar la so documentación.

Los que tean yá en circulación tendrán hasta 2027 p’adaptase, esplica Bernardo González, subinspector de la Policía Local d’Uviéu.

Según datos de la Fundación Mapfre, en 2023 hubo n’España 11 muertos nos 300 siniestros con patinetes implicaos. Causantes tamién d’un númberu cada vegada mayor d’incendios en viviendes nel procesu de carga, esplica Antonio García, representante de la Fundación Mapfre.

Nos accidentes, la coordinación de los servicios d’emerxencia ye clave pal rescate de les víctimes, destaquen Francisco Javier López, inspector de Bomberos d’Uviéu, y Gonzalo Mínguez, director de Protección Civil d’Uviéu.

Pa los testigos, la recomendación ye siguir el protocolu PAS: protexer, avisar y socorrer a les víctimes, sobre manera, mediante sofitu psicolóxicu.