Asturies y Jaén sumarán los sos esfuerzos p'atrayer negociu de la industria de la Defensa

Robla del conveniu de collaboración pal fortalecimientu del corredor industrial Ruta de la Plata

Asturies y Jaén sumarán los sos esfuerzos p’atrayer negociu de la industria de la Defensa nun momentu nel que s’espera que medre’l presupuestu pa esta partida. Güei roblaron el conveniu de collaboración pal fortalecimientu del corredor industrial Ruta de la Plata.

Un proyectu qu’entamó a dibuxase en 2021 y que s’afita agora cola robla del conveniu de collaboración pal fortalecimientu del corredor industrial Ruta de la Plata.

Un corredor que s’afitará con oportunidaes de negociu na industria de la Defensa, nel que trabayarán a la hora de presentase como candidatos a nuevos proyectos de defensa.

El conseyeru esplicó que la industria de la Defensa ta posicionándose como un sector tractor que non solo xenerará trabayu. Güei yá se calculen 3.000 puestos directos y tamién creará negociu dende’l sector testil, de materiales o telecomunicaciones hasta’l moblame.