Decepción ente les asociaciones de pescadores pola normativa de pesca fluvial pa 2025

Acusen a la Conseyería de ceder énte les presiones del sector

Decepción y desilusión ente les asociaciones de pescadores El Banzao, Fontes del Narcea y Real Asturiana de Pesca dempués de conocer la propuesta de normativa de pesca fluvial pa 2025. Nun entienden que s’echare per tierra’l trabayu del anterior equipu de la Conseyería, con oxetivos por cuenques fluviales y planes de xestión sostenibles pa la pesca del salmón.

Acusen a la Conseyería de ceder énte les presiones del sector y piden al presidente del Principáu que se retome la sienda entamada en 2022.

Critiquen sobre manera la medría de la presión de pesca, el retrocesu nes regulaciones d’entrada a les zones llibres y l’abandonu de los planes de xestión por cuenca, amás de que malapenes se tenga en cuenta a otres especies piscícoles.