La polimedicación ye ún de los retos de los sistemes sanitarios

Un 33% de los mayores de 65 años toma más de cinco pastielles caldía

Un 33% de los mayores de 65 años toma más de cinco pastielles caldía, según datos de la Conseyería de Salú. Unes xornaes dirixíes a profesionales abordaron esta realidá. Una de les observaciones ye que fai falta revisar davezu les prescripciones.

Carmen Casado medicábase pa la diabetes dende va tres años. En xineru entamó una rutina d’exerciciu, dieta sana y descansu que-y dexó quitar les pastielles. Carmen valió d’exemplu nestes xornaes sobre polimedicación entamaes pola conseyería de Salú.

La polimedicación ye ún de los retos de los sistemes sanitarios, d’España y d’Europa. L’avieyamientu de la población y la cronicidá de les enfermedaes, son un factor importante. Como importante ye revisar lo que se prescribe.

El director del centru de Salú d’El Coto, Pablo Belderrain, avisa: viennos enriba una emerxencia xeriátrica y Asturies nun ta preparada. Una de les sos recetes pa una sociedá que cada vegada tolera menos el dolor ye menos medicamentos y más vida saludable.