La tardanza y el númberu de pacientes n'espera pal especialista dispárense

El Sespa amenorgó les llistes d'espera de menos de 90 díes en 692 persones en septiembre

Respecto al añu pasáu, hai qu'esperar diez díes más de media pa una consulta col especialista. Les especialidaes con mayores esperes son dermatoloxía, uroloxía, oftalmoloxía y traumatoloxía. Toes elles superen la media de 102 díes.

Cuasi 6.700 persones más esperen por una primer consulta, anque crecieren el númberu de persones atendíes, 2.700 pacientes más que'l mesmu mes de va un añu.

Tocante a les pruebes diagnóstiques, sigue l'enclín de meyora. Especialmente pa facer una mamografía o una resonancia, con amenorgamientos de más d'un mes. 25 díes menos nel casu de los tacs. Con ello, los díes d'espera pa estes pruebes tán ente los 44 d'una colonoscopia y los 86 d'una resonancia.

Esti mes de setiembre ficiéronse cuasi dos mil pruebes diagnóstiques más y hai un 21% de persones menos esperando por elles.