Los sindicatos amuesen la so esmolición pola parada d'ArcelorMittal

Castro amuesa'l so malestar pola coincidencia de les paraes col procesu electoral

Los sindicatos amosaron esti martes la so esmolición pola decisión d’ArcelorMittal de parar unos díes el tren d’alambrón y l’acería de Xixón por mor de la situación del mercáu internacional.

La empresa esplicó que la parada del tren d’alambrón 10 díes y de l’acería nueve xornaes, ye pola situación de mercáu de baxa demanda y altos volúmenes d’importaciones d’aceru estracomunitario, "que tán distorsionando’l mercáu con precios de venta deslleales".

El secretariu de la sección sindical d’UXT na planta d’Arcelor de Xixón, José Ramón Calleja, amosó la so esmolición pola parada d’eses instalaciones, anque confió en que nun s’allargue munchu tiempu.

Calleja consideró necesario que, “de una vegada por toes”, la XE ponga midíes de protección arancelaria que frenen les importaciones de países como China, Turquía o Bulgaria, y dexe competir n’igualdá de condiciones.