Malestar de los tresportistes por quedar fuera de la meyora de les bonificaciones d'El Güerna

Calvo insiste na puesta en marcha de la Zalia, el plan pal Corredor Atlánticu y una alternativa al vial de Xove  

La Federación Asturiana d’Empresarios treslladó al Principáu’l malestar de los tresportistes por quedar fuera de la meyora de les bonificaciones del Peaxe d’El Güerna.

Ye ún de los asuntos abordaos ente la presidenta de la patronal asturiana, María Calvo, y el xefe del executivu asturianu, Adrián Barbón.

Nuna xunta esti mediudía, Calvo insistió na prioridá de la puesta en marcha de la Zalia, que se defina’l plan director del corredor Atlánticu, qu’entá desconocen, o una alternativa al vial de Xove.

FADE tamién pidió que se faga tolo posible pa qu’Arcelor materialice les sos inversiones y el caltenimientu de la siderurxa integral.