Los sindicatos esixen a FADE midíes efectives escontra la siniestralidá llaboral

UXT y CCOO faen un llamamientu a participar na manifestación convocada pal 30 d'ochobre viniente en Xixón

CCOO y UXT celebraron esti miércoles énte la sede de la Federación Asturiana d’Empresarios (FADE), n’Uviéu, una concentración pa esixir un plan de choque nes empreses y l’aplicación escrupulosa de la llei de prevención de riesgos pa evitar accidentes llaborales como los que provocaron la muerte de 13 persones no que va d’añu.

El responsable d’Acción Sindical de CCOO d’Asturies, Gerardo Argüelles, afirmó que nos más de los casos afitóse una rellación ente los accidentes y el "incumplimientu de les normes básiques de seguridá y prevención", y poro, esixó a la patronal qu’impulse un plan de choque nes empreses "pa reforzar la prevención y el control".

"La prevención salva vides, y al igual que s’invierte n’I+D+i o en tecnoloxía, hai qu’invertir en prevención", solliñó Argüelles, que recalcó la necesidá de "parar la precariedá, la subcontratación, les altes cargues de trabayu y les xornaes estenuantes", y esixó a l’aministración que "actúe con contundencia".