Barbón, sorprendíu y decepcionáu tres les acusaciones escontra Íñigo Errejón

Yolanda Díaz sobre Errejón: toca escuchar a les muyeres que denuncien y acompañales

El presidente del Principáu, Adrián Barbón, amosóse esti vienres “sorprendíu y decepcionáu" tres les acusaciones de violencia machista escontra l’exdirixente de Sumar Íñigo Errejón, una cuestión énte la que reivindicó "tolerancia cero".

"Una persona que fai gala de la defensa de muyeres y homes, y agora vemos estes acusaciones. Ye terrible dende tolos puntos de vista que puean tenese", dixo a entrugues de los periodistes n'Uviéu, onde esta tarde va celebrase la ceremonia d'entrega de los Premios Princesa d'Asturies.

Asina se pronunció tres conocese ayeri qu’Errejón dimitía de tolos sos cargos políticos metanes acusaciones anónimes de violencia machista que se dieron a conocer en redes.