La réplica del Galeón Andalucía ufierta visites nel so atraque n'Avilés

Ye una copia d'un barcu mercante que s'encargaba de faer intercambiu de comerciu ente América, Asia y Europa nel sieglu XVII

Una copia del Galeón Andalucía, una embarcación mercante que xunía los continentes d'América, Asia y Europa nel sieglu XVII, va ufiertar visites de 10:00 a 19:00 hores na so estancia nel muelle del Centru Niemeyer, del cai d'Avilés, hasta'l próximu domingu, 27 d'ochobre.

El buque recibió esti vienres la visita de la conceyala de Turismu y Comerciu, Raquel Ruiz, y del conceyal de Deportes y Normalización Llingüística, David García, que tuvieron acompañaos de la directora comercial de l'Autoridá Portuaria, Elvira Fernández; y de la directora de loxística del Galeón Andalucía, Desirée González.

La directora de loxística de la embarcación esplicó que se trata d'una copia d'un barcu mercante de la dómina que s'encargaba de faer intercambiu de comerciu ente América, Asia y Europa.