La Felguera sigue la so llucha escontra'l mal golor nel barriu d'Urquijo

Los vecinos entienden que la empresa podría tar cometiendo un delitu mediuambiental

La Felguera nun para nel so enfotu d’acabar col mal golor qu’afecta sobre manera al barriu d’Urquijo dende va más d’un añu. A la espera de la llegada de los goledores que contratará l’Ayuntamientu de Llangréu p’afitar el so orixe, los vecinos yá entamaron a organizase p’atropar les pruebes afayadices y treslladar el problema a la Fiscalía.

Entienden que la empresa podría tar cometiendo un delitu mediuambiental. Nos díes vinientes, asociaciones y entidaes de La Felguera tendrán una xunta a comuña col envís de xunir fuerces escontra esti problema.

Aseguren que nun quieren provocar el pieslle de la empresa, pero si forzala a qu’actúe p’acabar col golor.