El serviciu de los serenos de Xixón cumple 25 años

Primer ciudá española en recuperar esta figura ciudadana

Cúmplense 25 años dende que Xixón fuere la primer ciudá española en recuperar la figura del serenu. Anguaño son 38 los que trabayen nes sos cais pela nueche. Un serviciu que sobrevivió toos estos años gracies al respetu y al cariñu qu’estos profesionales supieron ganase ente la ciudadanía xixonesa.

Darío Vázquez fízose serenu dempués de perder el so trabayu anterior. Nes sos solitaries nueches de trabayu conoció un Xixón distintu. La so profesión afítase nuna vocación de serviciu que cobró más sentíu entá cuando, al poco d’entamar, llegó la pandemia.

Pilar García ye serena de vocación. De los sos años d’esperiencia queda cola gratitú y l’afectu que recibe de la xente a la que da serviciu.

Un cuartu de sieglu cumple esta sociedá llaboral afitada en dos pegoyos: dar serviciu a la ciudá y ufiertar una salida llaboral a persones con torga d’accesu al mercáu llaboral.

Vitoria, Barakaldo y Sevilla son dalgunes de les ciudaes que buscaron l’asesoramientu de los serenos de Xixón a la hora de poner en marcha esperiencies asemeyaes.