La Rula d'Avilés cierra la campaña del bonitu del norte con un 17% más de captures

A nivel estatal namás pescó la metá del cupu previstu

La Rula d'Avilés cerró la costera del bonitu del norte con 69 barcos y 1.420.000 quilos, un 17 por cientu más que l'añu pasáu, según el balance qu'ufiertó esti llunes el director técnicu de la rula, Ángel Muñoz, que punxo l'acentu, sicasí, nel fechu de qu'a nivel estatal namás se pescó la metá del cupu previstu.

La primer puya celebróse'l 20 de mayu, con 3.200 quilos del barcu de pesca “Goienkale”, y la postrera, el pasáu 16 d'ochobre, con 8.000 quilos del tanqueru “Itsas Lagunak”.

El día con mayor númberu de descargues foi'l 29 de xunetu, con un total de 82.600 quilos de 20 embarcaciones, y el balance que se dio a conocer nuna rueda de prensa nel muelle del cai pesqueru, cola presencia tamién del xerente de la Rula d'Avilés, Ramón Álvarez.