El Gobiernu d'Avilés presenta un presupuestu de 87,5 millones pa 2025

El proyectu de presupuestos recueye los compromisos del gobiernu de coalición p'avanzar na municipalización de dellos servicios

El gobiernu de coalición d'Avilés, integráu pol PSOE y Cambia Avilés (IX y Podemos), presentó esti xueves unos presupuestos pa 2025 con un montante de 87,5 millones d'euros, que suponen una medría de 4,4 millones con respecto al exerciciu actual.

El documentu foi posible tres un alcuerdu ente'l PSOE y el so sociu de gobiernu, Cambia Avilés, que llima aspereces, sobre manera, no tocante a la progresiva remunicipalización de los servicios públicos.

Eses aspereces, puestes sobro la mesa por IX y Podemos, salváronse col compromisu, yá recoyíu nos nuevos presupuestos, d'incorporar el serviciu de conserxería a la Empresa Municipal de Servicios Auxiliares, a la que se van dir sumando otros como'l de la llimpieza d'edificios públicos a lo llargo del mandatu.