Un mozu de Nieves tien que garrar dos taxis y un autobús pa llegar al institutu

El problema resolveráse'l cursu viniente, porque habrá tres neños más y reestructuraráse la ruta

German Fonseca vive en Nieves dende que nació y ta encantáu, pero dir al institutu convirtióse nuna odisea. Tien que garrar dos taxis y un autobús pa llegar a clase y ún d’ellos pagáu polos pas.

La única opción que-yos dan ye solicitar una ayuda a la Conseyería d’Educación, pero son ellos los que tienen qu’adelantar el dineru.

Güei Foro Asturies llevó esti asuntu al plenu y cuntó col sofitu del alcalde.

El problema resolveráse’l cursu viniente, porque habrá tres neños más y reestructuraráse la ruta, pero tanto la familia como los representantes políticos van siguir lluchando pa tratar de que se solucione darréu.