Una docena de mozos xitanos participen en 'Aprender trabayando'

Un programa pa meyorar la empleabilidá del colectivu

Namás el 17% de les persones xitanes completaron la ESO y el 63% de los mozos d’ente 16 y 29 d’esta etnia nun estudien nin trabayen. Pa revertir esta situación la Fundación Secretariáu Xitanu desendolca proyectos como 'Aprender trabayando'. Una docena de mozos xitanos recoyeron güei’l diploma d’esti programa. La metá alcontraron trabayu.

Un proyectu financiáu al traviés del Fondu Social Européu nel que, dempués d’un mes de formación, pudieron facer les sos práctiques en tres grandes comercios d’Uviéu, Xixón y Avilés.

Son mozos y moces, toos menores de 30 años que, hasta agora, nun cuntaben con una cualificación profesional. Meyoraron la so empleabilidá y la metá d’ellos salen con un contratu de trabayu.

Otros alcontraron la motivación suficiente pa inxerise nel mercáu llaboral o pa retomar una educación reglada.

Dende qu’en 2013 punxérase en marcha esti proyectu, el 55% de los participantes alcontraron trabayu y un 32% volvieron al sistema educativu.