El Mirador de La Farrapona yá lluz sobro'l valle de Saliencia

La previsión ye la so apertura al públicu nunos 10 díes

Dempués d'un llargu procesu, qu'empezaba fai daqué más de dos años, cuando s'escoyó'l diseñu ganador, seis meses de trabayu pa la so construcción nun taller, y dellos díes de montaxe, el mirador de La Farrapona yá lluz sobro'l valle de Saliencia.

Con saltos térmicos d'hasta 50 graos na zona buscóse un material que necesita pocu caltenimientu. Construyíu sobro una escollera nel sobreancho de l'antigua carretera a la mina de fierro, concibióse como un mirador xeolóxicu dende'l que poder ver los distintos fenómenos qu'axunta'l valle.

Y ye que la construcción nun tuvo falta de discutiniu ente los que consideren que yera una obra innecesaria.

A falta d'acondicionar los accesos y instalar los códigos QR cola información xeolóxica, la intención ye que s’abra al públicu nunos 10 díes.