Entren a valir les nueves bonificaciones nel peaxe d'El Güerna

Descuentos pa vehículos llixeros que faigan el percorríu completu

Dende güei, tán a valir les nueves bonificaciones nel peaxe d’El Güerna que s'aprobaron el 15 d'ochobre. Son descuentos pa vehículos llixeros que faigan el percorríu completu, esto ye, ente Asturies y Lleón o viceversa.

Eso sí, hai que faer, mínimu, tres viaxes pa beneficiase del descuentu, que va ser del 15% pol primer viaxe, 2,25 euros, del 30% pol segundu, que supón 4,5 euros. Yá a partir del tercer viaxe, el descuentu va ser del 60%, como hasta agora.

Estes bonificaciones solo son aplicables si se tien telepeaxe pa pagar, un aparatu que se lleva nel coche y que cuesta unos 15 euros al añu.