Preciu históricu al algamar los 12.000 euros el quilo d'angula en L'Arena

La Huertona paga 2.460 euros el quilo pola primer angula de la temporada en Ribeseya

Récord históricu na primer puya d'angula de la temporada en L'Arena. Los primeros 150 gramos puyaos páguense a 12.000 euros el quilo.

Y en Ribeseya, 2.460 euros el quilo. Esi ye'l preciu qu'algamó esta mañana na rula de Ribeseya la primer angula de la temporada. De los tres lotes a la venta, el primeru, compuestu por un quilo 475 gramos, foi mercáu por José Luis Viejo, del restaurán La Huertona de Ribeseya.

Los otros dos lotes, que se vendieron a 2.420 euros el quilo, llevólos otru negociu local: el restaurán Güeyumar.

En total puyaron tres quilos y 670 gramos d'angula, una cantidá pequeña pero que ta acordies coles males condiciones que presentaba anueche'l Mar Cantábricu.