Ampliada l'atención de tres unidaes de neurorrehabilitación ambulatoria a más patoloxíes

El períodu máximu d'asistencia medra dende los seis a los doce meses

El Serviciu de Salú del Principáu (Sespa) medró l’atención que dan les tres unidaes de neurorrehabilitación ambulatoria d’oriente y occidente a otres patoloxíes que causen estrozu cerebral.

Hasta agora, estos dispositivos ufiertaben asistencia a pacientes con ictus, pero agora atenderán tamién a los que sufrieren traumatismos craneoencefálicos, tumores cerebrales, hemorraxes subaracnoidees, intracerebrales o subdurales, asina como mancadures cerebrales anóxiques, informa’l Gobiernu asturianu.

Amás, el periodu máximu d’asistencia a les persones que se beneficien d’estos recursos medra tamién dende los seis a los doce meses.