Los hosteleros asturianos amuésense satisfechos cola ponte

Munchos hoteles colgaron el cartelu de completu superando les espectatives

A falta de datos oficiales, los hosteleros asturianos tán satisfechos cola ponte. Paez que’l bon tiempu animó a visitar el Principáu y munchos hoteles colgaron el cartelu de completu superando les espectatives de los hosteleros.

Uviéu ye parada obligada pa los que visiten Asturies y nunca nun decepciona. Muchos hoteles de la capital colgaron el cartelu de completu, como n’Avilés onde la ocupación superó’l 90%.

Les más son reserves d’última hora y los turistes aseguren que, con esti tiempu esfrútase too más.

Tamién munchos turistes escoyeron l’oriente asturianu con una ocupación penriba del 85%. En Cangues d’Onís, por exemplu munchos agospios tuvieron enllenos.

L’occidente tampoco quedó atrás. En dalgunes zones de la fastera Ozcos-Eo superaron el 80% d’ocupación y en Taramundi, el fin de selmana yera imposible alcontrar habitación.

Una ponte que, a falta de datos oficiales, superaron toles espectatives.