Los vecinos de Castropol queden ensin médicu

Concentración de los vecinos énte una situación "insostenible"

La última médica que quedaba n’activu en Castropol, d’una plantiya de tres, púnxose de baxa, lo qu’obliga a los vecinos del conceyu a dir a A Veiga pa una urxencia o una cita médica.

La situación, aseguren, ye insostenible y por eso concentráronse frente al Ayuntamientu de Castropol reclamando soluciones.

Ye una problemática que tamién se vive na zona básica de salú d’A Veiga, a la que pertenecen Castropol y San Tiso d’Abres.

Hai 8.000 pacientes y en condiciones normales habría un equipu de nueve profesionales, pero enagora hai places ensin ocupar y delles baxes, polo que namás hai dos médicos operativos. El consistoriu de Castropol espera que col concursu de tresllaos puea solucionase’l problema, señala Francisco Vinjoy, alcalde de Castropol.

La Conseyería de Salú asegura qu’esta situación ye transitoria por mor de baxes médiques puntuales.