Asturies vuélcase cola ayuda

Los conceyos siguen recoyendo productos de primer necesidá pa unviar a les zones afectaes

L'alcalde d'Uviéu agradez la respuesta de los uvieínos y diz que por falta d'espaciu, porque yá se recoyó material enforma los puntos podríen cerrase esta tarde. El conceyu va faer tamién una aportación económica.

Pela so parte, los vecinos d'Avilés dende primer hora de la mañana fueron a donar na recoyida entamada pol conceyu pa los damnificaos pola dana en Valencia señalen Esther Campelo y Mar González, vecines d'Avilés.

Na sede d'Agua d'Avilés, na cai Cabruñana del centru históricu de la villa, pue donase dende esti llunes de nueve de la mañana a dos de la tarde. Too unviaráse al traviés de Delegación de Gobiernu n'Asturies apunta Pelayo García, conceyal de Participación Ciudadana d'Avilés.

Son les recoyíes d'alimentos qu'entamen los distintos conceyos asturianos como'l de Castrillón que recoyó yá más de 8.000 llitros d'agua y más de 2.000 de lleche en dos díes. Y en Villaviciosa solo los vecinos de Pion-Candanal recoyeron más de tres mil quilos de productos pa la campaña entamada pol consistoriu.