Asturies medra'l paru en 1.188 persones n'ochobre, un 2,21%

El Principáu ye una de les cinco comunidaes na que se rexistró una mayor xubida

El paru rexistráu nes oficines de trabayu xubió n’Asturies n’ochobre en 1.188 persones, lo que supón una medría del 2,21 por cientu al respective de setiembre y la tercer mayor xubida en términos relativos ente les comunidaes autónomes, lo que dexó la cifra de desempleaos en 54.989, según los datos asoleyaos esti martes pol Ministeriu de Trabayu y Economía Social.

Sicasí, el Principáu ganó 808 afiliaos a la Seguridá Social, un 0,21 por cientu, hasta 386.721 trabayadores, según los datos del Ministeriu d’Inxerimientu, Seguridá Social y Migraciones.

La comunidá autónoma encadenó tres meses siguíos de medría del paru dempués de romper una racha de seis meses col desempléu a la baxa, mientres que’l trabayu recupérase parcialmente dempués de la cayida de setiembre (-1,35%), que tuvo motivada po final de la campaña de branu.

Al respective d’ochobre del añu pasáu, Asturies mengua’l paru en 2.919 persones, un 5,04 por cientu, y medrá’l trabayu en 6.923 afiliaos, un 1,82 por cientu.