El Principáu destinará más de 16 millones d'euros n'ayudes pa la rehabilitación de viviendes y meyorar la so eficiencia enerxética

La convocatoria d'ayudes tará abierta hasta mediaos del añu qu'entra

La nueva convocatoria d’ayudes pa rehabilitar y meyorar la eficiencia enerxética d’edificios asoleyaráse nes selmanes vinientes. La partida de 16 millones 800 mil euros ta destinada tanto a viviendes urbanes como rurales. El requisitu pa optar a elles ye qu’haya una meyora de polo menos el 30 por cientu del consumu enerxéticu de la vivienda apunta Daniel Sánchez, director xeneral de Vivienda.

Ente les obres que se contemplen ta la retirada d’amiantu señala Ovidio Zapico, conseyeru d’Ordenación del Territoriu, Urbanismu, Vivienda y Derechos Ciudadanos.

La convocatoria d’ayudes tará abierta hasta mediaos del añu qu’entra. Con esti nuevu paquete, el Principáu espera superar en 2025 los 100 millones d’euros d’inversión en materia enerxética con 10.000 viviendes beneficiaes.