Barbón comprométese a abordar la siniestralidá llaboral na Conferencia de Presidentes

Los sindicatos piden al presidente que "fale" cola FADE

El xefe del Executivu asturianu, Adrián Barbón, comprometióse esti miércoles colos sindicatos UXT y CCOO a abordar na Conferencia de Presidentes, que se va celebrar n'avientu, la siniestralidá llaboral, que dexó na comunidá trelce muertos no que va d'añu.

Asina lo esplicaron en declaraciones a los periodistes los secretarios xenerales d'UXT y CCOO n'Asturies, Javier Fernández Lanero y José Manuel Zapico, respectivamente, tres caltener una xunta col presidente del Principáu.

Los dirixentes sindicales señalaron que, anque esti asuntu nun s'incluyera nel orde del día de la cita de los líderes autonómicos, Barbón "comprometióse a que va tratar la situación de la salú llaboral" na so intervención.